ግዙፉ የፈረንሳይ የነዳጅ ኩባንያ ቶታል ኢነርጂ ከ75 ዓመታት ቆይታ በኋላ ከኢትዮጵያ ሊወጣ ነው

 ግዙፉ የፈረንሳይ የነዳጅና ኢነርጂ ኩባንያ ቶታል ኢነርጂ (TotalEnergies) በኢትዮጵያ ውስጥ የነበረውን የሰባ አምስት ዓመታት ረጅም የአገልግሎት ቆይታ አጠናቆ ከአገሪቱ ገበያ ሙሉ በሙሉ ሊወጣ መሆኑ ተሰማ። ኩባንያው በአገሪቱ ውስጥ የነበሩትን ሁሉንም ንብረቶች ለማዛወር ወስኗል።

​የአፍሪካ ቢዝነስ ድረ-ገጽ እንደዘገበው፣ ኩባንያው በኢትዮጵያ ውስጥ ያሉትን በአጠቃላይ ሁለት መቶ ሃያ (220) የሚያህሉ የነዳጅ ማደያዎቹን፣ ቀደም ሲል በስሙ "ኦይል ሊቢያ" (OilLibya) ተብሎ ይጠራ ለነበረው ኦአይኤልኦ (Oilibya/OLA Energy) ኩባንያ ለመሸጥ የመጨረሻ ስምምነት ላይ መድረሱን አስታውቋል።

ቶታል ኢነርጂ ከነዳጅ ማደያዎች በተጨማሪ የተለያዩ የፔትሮኬሚካል ምርቶችን በስፋት ለኢትዮጵያ ገበያ በማቅረብ የሚታወቅ አንጋፋ ኩባንያ ነበር።

​ሆኖም ግን ሁለቱ ኩባንያዎች ስለ ሽያጩና ንብረት ግዢ ስምምነት ዝርዝር ሁኔታ ይህ ዜና እስከተጠናቀረበት ሰዓት ድረስ በይፋ የሰጡት መግለጫ የለም። በኢትዮጵያ የነዳጅ ስርጭት ገበያ ውስጥ ካሉት ግዙፍና ቀዳሚ የነዳጅ አከፋፋይ ኩባንያዎች መካከል ቶታል ኢነርጂ፣ ኦአይኤልኦ (OLA Energy)፣ ናሽናል ኦይል ኢትዮጵያ (NOC) እና የኢትዮጵያ የተባበሩት ነዳጅ ኩባንያዎች (የቶታል አጋሮች) ዋና ዋናዎቹ ተጠቃሽ ናቸው።