📢 አስቸኳይ የጥንቃቄ መልዕክት ከገንዘብ ሚኒስቴር! ⚠️

የገንዘብ ሚኒስቴርን ስምና መለያ (Logo) በመጠቀም ለተለያዩ ክልሎች እና የከተማ አስተዳደሮች "ስለ ስራ ግብር ቅናሽ" ተብሎ በማህበራዊ ሚዲያዎችና በተለያዩ መንገዶች የሚሰራጨው መረጃ ሙሉ በሙሉ ሀሰተኛ እና ከእውነት የራቀ መሆኑን ሚኒስቴር መስሪያ ቤቱ በፅኑ ያሳስባል።

​ይህ የተሳሳተ መረጃ ህዝብን ለማደናገርና አላስፈላጊ ውዥንብር ለመፍጠር የታለመ በመሆኑ፥ ህብረተሰቡ፣ የክልል አመራሮች እንዲሁም የሚመለከታቸው አካላት ሁሉ ከዚህ መሰሉ የሀሰት ወሬ ራሳቸውን እንዲጠብቁና ምንም ዓይነት ተግባራዊ ምላሽ እንዳይሰጡ ጥሪ ቀርቧል።

​📌 እውነተኛና ታማኝ መረጃዎችን የት ያገኛሉ?

​የገንዘብ ሚኒስቴርን ስራዎች፣ መመሪያዎችና ወቅታዊ ውሳኔዎችን በተመለከተ ፍጹም ትክክለኛና የተረጋገጡ መረጃዎችን ለማግኘት ሁልጊዜም የሚከተሉትን ይፋዊ የገንዘብ ሚኒስቴር የማህበራዊ ሚዲያ ገፆች ብቻ መከታተልና ማጣቀሻ ማድረግ ይኖርባችኋል ተብሏል።

​⚠️ ማሳሰቢያ፦ ካልተረጋገጡና ህገ-ወጥ ከሆኑ ምንጮች የሚወጡ መረጃዎችን አለማሰራጨትና ህግን ማክበር የሁላችንም ሃላፊነት ነው። የሀሰት መረጃዎችን በማጋራት የሰላምና የኢኮኖሚ መረጋጋትን ለማናጋት በሚሰሩ አካላት ላይ ተገቢው የህግ እርምጃ የሚወሰድ ይሆናል።

​የተሰረቁ መለያዎችን እና ሀሰተኛ መረጃዎችን በጋራ እንከላከል! መረጃውን ለሌሎች በማጋራት የበኩላችሁን አስተዋጽኦ አድርጉ።