ወ/ሮ አዳነች አቤቤ የአዲስ አበባ ከተማ ከንቲባ ሆነው በድጋሜ ተሾሙ

የአዲስ አበባ ከተማ ምክር ቤት በዛሬው ዕለት ባካሄደው የከተማ አስተዳደሩ መንግሥት ምስረታ እና 4ኛ ዙር የመክፈቻ ጉባኤ ወይዘሮ አዳነች አቤቤን የከተማዋ ከንቲባ አድርጎ አፅድቋል። በጉባኤው ወቅት የተወካዮች ምክር ቤት አባላትና ጥሪ የተደረገላቸው እንግዶች በተገኙበት፣ አዲሷ ከንቲባ ቃለ መሐላ በመፈጸም ሕገ-መንግሥታዊ ኃላፊነታቸውን በይፋ ተረክበዋል።

ወይዘሮ አዳነች አቤቤ ከተማዋን በከንቲባነት በመምራት የመጀመርያዋ ሴት የመንግሥት የሥራ መሪ በመሆን አዲስ ታሪክ አስመዝግበዋል። ባለፋት 5 ዓመታት ቀደም ሲል በከንቲባነት ከተማዋን ሲያገለግሉ የቆዩት ወይዘሮ አዳነች፣ በነበራቸው ቆይታ ለከተማዋ ዕድገትና ለሕዝቡ አገልግሎት አሰጣጥ መሻሻል በርካታ አወንታዊ እርምጃዎችን ሲወስዱ መቆየታቸው ይታወሳል።

በዛሬው ጉባኤ ላይ የተሾሙት ከንቲባዋ ለምክር ቤቱ ባቀረቡት ንግግር፣ በቀጣይ የሥራ ዘመናቸው ትኩረት የሚሹ አበይት ጉዳዮችን ይፋ አድርገዋል። ከእነዚህም መካከል የከተማዋን የመሠረተ ልማት ዝርጋታ ማፋጠን፣ የነዋሪዎችን የኑሮ ውድነት መቅረፍ፣ የሥራ ዕድል ፈጠራን ማሳደግ እና የመልካም አስተዳደር ችግሮችን በጥቅል መፍትሔ መስጠት ዋና ዋናዎቹ ናቸው። በተጨማሪም አዲስ አበባን ለነዋሪዎቿ ምቹ፣ ለኢንቨስትመንትና ለቱሪዝም ደግሞ ተወዳዳሪ ከተማ የማድረግ እቅድ እንዳላቸው ገልጸዋል።

የከተማው ምክር ቤት አባላት በበኩላቸው አዲሷ ከንቲባ ላቀረቡት የትኩረት አቅጣጫ ሙሉ ድጋፋቸውን የገለጹ ሲሆን፣ ከተማዋን ወደ ላቀ የዕድገት ደረጃ ለማሸጋገር የሚደረገውን ጥረት እንደሚያግዙ አረጋግጠዋል። የከተማ አስተዳደሩ አዲሱ የመንግሥት ምስረታ በቀጣይ ቀናት ሌሎች ከፍተኛ የሥራ ኃላፊዎችን ሹመት በማፅደቅና የሥራ መመሪያዎችን በማውጣት ስብሰባውን እንደሚቀጥል ተገልጻል።