የኢትዮጵያ ኦርቶዶክስ ተዋሕዶ ቤተ ክርስቲያን ፓትርያርክ በገዳማት ላይ የተፈጸመውን ጥቃት አወገዙ

በደቡብ ወሎ አገረ ስብከት ቦረና ወረዳ በሚገኘው የግዮን ዓባይ ቅድሥት አርሴማ፣ አቡነ አረጋዊ እና ቅዱስ ቂርቆስ አንድነት ገዳም ላይ ሐምሌ 15 ቀን 2018 ዓ.ም. ተፈጸመ የተባለውን የድሮን ጥቃት የኢትዮጵያ ኦርቶዶክስ ተዋሕዶ ቤተ ክርስቲያን ፓትርያርክ ብፁዕ ወቅዱስ አቡነ ማትያስ አወገዙ። ፓትርያርኩ ድርጊቱን «በእግዚአብሔር የተከለከለ» እና «በታሪክ ፊት የሚያሳፍር» ሲሉ አጥብቀው ከናብለዋል።

ቅዱነታቸው በወቅታዊ ጉዳዮች ዙሪያ ባስተላለፉት መልእክት፣ ታሪካዊ እና መንፈሳዊ ቤተ መቅደሶች ላይ የሚሰነዘሩ ጥቃቶች ከሰዎችም ሆነ ከፈጣሪ ዘንድ ተቀባይነት የሌላቸው መሆናቸውን ገልጸዋል። በጸሎትና በዕጣ ፈንታ ለትውልድ የሚቆዩ ቅዱሳን ቦታዎች ላይ የጦር መሣሪያ ማነጣጠር የትኛውንም ሰብአዊ እና ሞራላዊ ድንበር ያልጠበቀ አጸያፊ ድርጊት መሆኑን አጽንኦት ሰጥተዋል።

በተጨማሪም ፓትርያርኩ ይህንን «አሰቃቂ» ጥቃት የፈጸሙ አካላት አፋጣኝ ምላሽ አግኝተው ለሕግ እና ለፍትሕ እንዲቀርቡ ጠይቀዋል። መንግሥት እና ኃላፊነት የተሰጣቸው አካላት የዜጎችን ደኅንነት ከማስጠበቅ ጎን ለጎን፣ በሀገሪቱ የሚገኙ ገዳማትና አብያተ ክርስቲያናት ከማንኛውም ጥቃት የተጠበቁ እንዲሆኑ ጥብቅ አቅጣጫ እንዲያስቀምጡ አሳስበዋል። ቤተ ክርስቲያኒቱ የሰላም እና የዕርቅ ተቋም እንደ መሆኗ መጠን፣ በንጹሐን እና በታሪካዊ ቦታዎች ላይ የሚፈጸሙ በደሎች የሕዝብን ሰላም የሚጎዱ መሆናቸውንም አስገንዝበዋል።

በሌላ በኩል ፓትርያርኩ በሐዲያና ሥልጤ አገረ ስብከት የሚገኝ አንድ የአምልኮ ሥፍራ በ«ኃይል» መፍረሱን እና በምዕመናን ላይ «ጥቃት» መድረሱን በመግለጽ ድርጊቱን በብርቱ ኮንነዋል። በእምነት ተቋማት ላይ የሚፈጸሙ ሕገወጥ ድርጊቶች እና የኃይል እርምጃዎች የሀገሪቱን ሰላም የሚፈታተኑ በመሆናቸው ሁሉም ባለድርሻ አካላት ሊቃወሟቸው እንደሚገባ ጥሪ ቀርቧል።

ይህ የቤተ ክርስቲያኒቱ ከፍተኛ መሪ መግለጫ በሀገሪቱ ሰላም እና ጸጥታ ዙሪያ የሚነሱ ስጋቶችን የሚያሳይ ሲሆን፣ የሃይማኖት ተቋማት እና የጸጥታ መዋቅሮች በጉዳዩ ላይ ሰፊ ውይይት እንዲያደርጉ አሳስቧል።

በገዳማት እና በአምልኮ ቦታዎች ላይ የሚፈጸሙ ጥቃቶች እንዲቆሙ ጥሪ ቀረበ

ይህ የቪዲዮ መረጃ በኢትዮጵያ ውስጥ በሚገኙ ገዳማት እና አብያተ ክርስቲያናት ላይ እየደረሱ ያሉ ጥቃቶችን አስመልክቶ የቤተ ክርስቲያን መሪዎች እና የምዕመናን ስጋት በዝርዝር ያቀርባል።